كذبة غرام.

اللي مثلـك يـا حبيبـي مـا يـلام !

قوم وانسى الدمع .. وانساني معـه !!


لا تحاتي الليـل ! ودعنـي .. ونـااام

السهر ما هـو بضيـق الا سعـه ؟؟


خلّنـي مابيـن كذبـك !! والـغـرام
بنثـره وآخـر طموحـي اجمعـه ..


بك ( ختمت المسك ) يا ( مسك الختام )
واحفظ ( اغلى ) بيت وانسى ( مطلعه )


( شاعرك ) لا شحّ صوتـه بالكـلام ؟
ناظـر عيونـه كلامـه تسمـعـه !!


ما ورى هـاك الطعـون الا الخصـام
وماورى وصلـك وقربـك منفعـه ..


عدّني مـا كنـت وانسانـي .. مـدام
الفراق اصبح : ( جهاتي الاربعـه ! )


خابـرك حسّـاس وتخـاف الزحـام !
خاف قلـب ٍ بـه همـوم مجمعـه !!


إعتـقـه لله !! واتـركـه بـسـلام
ما بقى بـه عـرق تقـدر تقطعـه ؟!


ضامي واطرد سرابك ( نصف عـام )

حالتـي حالـه ! واجامـل واتبعـه ..


كل ما طـاح ( الامـل ) شلتـه وقـام

لين طحت ! ولا لقـى مـن يرفعـه ؟!


غلطتـي كنـت انتظـر منـك اهتمـام

وغلطتك ( بُعدي ) ثمنها و ( ادفعـه )


لا تقـول البُعـد والفرقـا حــرام ؟؟
الحرام : اعطيك ( عمـر ) تضيّعـه !!
]